ფხვნილი და გამხსნელი საინექციო ხსნარისთვის
გამოიყენება კანქვეშ.
სტერილური
• აქტიური ნივთიერება: თითოეული ფლაკონი 250 მკგ ცეტრორელიქსის ექვივალენტ 260-270 მკგ ცეტრორელიქსის აცეტატს შეიცავს.
რეკომენდირებული ფორმით გამზადების შემთხვევაში თითოეულ მლ-ში 250 მკგ აქტიური ნივთიერება მიიღება.
• დამხმარე ნივთიერებები: მანიტოლი, სტერილირო საინექციო წყალი (გამხსნელი).
გთხოვთ, ამ მედიკამენტის მიღების დაწყებამდე ყურადღებით გაეცნოთ აღნიშნულ მოხმარების წესებს, რადგან ინსტრუქცია თქვენთვის მნიშვნელოვან ინფორმაციას შეიცავს.
- შეინახეთ მოხმარების ინსტრუქცია. შეიძლება მოგვიანებით ხელახლა წაკითხვა დაგჭირდეთ;
- დამატებითი კითხვების შემთხვევაში, გთხოვთ, მიმართოთ თქვენს ექიმს ან ფარმაცევტს;
- თუ მედიკამენტი პირადად თქვენ დაგენიშნათ, არ მისცეთ სხვას;
- მედიკამენტის მიღების პერიოდში, ექიმთან ან საავადმყოფოში ვიზიტისას, თქვენს ექიმს უთხარით, რომ იღებთ ამ მედიკამენტს;
- ზუსტად დაიცავით ინსტრუქციაში მოცემული წესები. არ მიიღოთ იმაზე მეტი ან ნაკლები დოზა, რაც დაგენიშნათ.
აღნიშნული მოხმარების ინსტრუქციაში მიიღებთ პასუხებს შემდეგ კითხვებზე:
1. რა არის CETROTIDE და რისთვის გამოიყენება?
2. CETROTIDE-ს მიღებამდე რა უნდა გაითვალისწინოთ?
3. როგორ უნდა მიიღოთ CETROTIDE?
4. რა არის შესაძლო გვერდითი მოვლენები?
5. როგორ შეინახოთ CETROTIDE?
1. რა არის CETROTIDE და რისთვის გამოიყენება?
CETROTIDE არის ფხვნილი 250 მკგ საინექციო ხსნარისთვის. წარმოდგენილია 1 და 7 ფლაკონიან შეფუთვებში. ფლაკონში არსებული ფხვნილი თეთრი ფერისაა და შპრიცში მოცემული გამხსნელი (საინექციო წყალი) გამჭვირვალე და უფეროა. შეფუთვაში ასევე მოთავსებულია:
• ფლაკონში მოთავსებული ფხვნილის გახსნისა და პარენტერალური მოხმარების მიზნით გამხსნელის (საინექციო წყალი) შემცველი მოხმარებისთვის მზა შპრიცი
• ფლაკონის შიგნით წყლის ინექცირებისთვის და ფლაკონიდან ხსნარის ამოღების მიზნით ყვითლად მონიშნული ინექციის ნემსი
• ხსნარის ინექცირებისთვის ნაცრისფერად მონიშნული ინექციის ნემსი
• გასუფთავებისთვის განკუთვნილი ორი ალკოჰოლიანი ბამბა
CETROTIDE ცეტრორელიქსის სახელით ცნობილ მედიკამენტს შეიცავს. ეს მედიკამენტი მენსტრუაციის პერიოდში საკვერცხიდან კვერცხუჯრედის გამოყოფას (ოვულაცია) აჩერებს. CETROTIDE „ანტი გონადოტროპინ გამომყოფი ჰორმონების“ სახელით ცნობილი მედიკამენტების ჯგუფში შედის.
CETROTIDE ბუნებრივი ჰორმონების, რომელთაც ლუტეიზინირებადი ჰორმონის გამომყოფ ჰორმონებს (LHRH) უწოდებენ, ზემოქმედების ბლოკირებას ახდენს. LHRH მენსტრუაციის პერიოდში ოვულაციის გამზრდელი, ლუტეიზინირებად ჰორმონად (LH) წოდებული ჰორმონის გამოყოფას არეგულირებს. რადგანაც განაყოფიერებისთვის მხოლოდ მომწიფებული კვერცხუჯრედები არის შესაბამისი, საკვერცხეების სტიმულირებით მკურნალობის დროს წარმოსაშობი ნაადრევი ოვულაციის ბლოკირების მიზნით გამოიყენება CETROTIDE.
CETROTIDE გამოიყენება არასრულად მომწიფებული ოვულაციის ბლოკირებისთვის პაციენტებში, რომელთაც საკვერცხეების კონტროლირებადი სტიმულაციის შემდეგ ოოციტების შეგროვება და დამხმარე რეპროდუქციული ტექნოლოგიები უტარდებათ.
კლინიკური კვლევების დროს CETROTIDE ადამიანის მენოპაუზურ გონადოტროპინთან (HMG) ერთად იქნა გამოყენებული. ამასთან ერთად, მარკეტინგის შემდეგ სხვა ჰორმონთან, ფოლიკულის რეკომბინანტულ მასტიმულირებელ ჰორმონთან ერთად შეზღუდული რაოდენობით გამოყენების შედეგად მსგავსი ეფექტები გამოვლინდა.
2. CETROTIDE-ის მიღებამდე რა უნდა გაითვალისწინოთ?
არ გამოიყენოთ CETROTIDE ქვევით მოცემულ შემთხვევებში:
• გაქვთ ალერგია ცეტრორელიქსის ანდა ეგზოგენური პეპტიდური ჰორმონების ანდა ამ მედიკამენტის შემადგენელ რომელიმე სხვა დამხმარე ნივთიერებაზე;
• ხართ ორსულად ან გაქვთ ლაქტაციის პერიოდი;
• გაქვთ თირკმლის მწვავე უკმარისობა.
არ მიიღოთ CETROTIDE თუ ზემოთ ჩამოთვლილთაგან რომელიმე გეხებათ. თუ არ ხართ დარწმუნებული, მიმართეთ ექიმს გამოყენებამდე.
CETROTIDE-ის მიღების შემთხვევაში, სიფრთხილე გამოიჩინეთ:
ალერგიული მდგომარეობები:
სპეციალური პრევენციული ზომები უნდა იქნეს მიღებული ქალებში, რომელთაც ანამნეზში ცნობილი ალერგიისკენ მიდრეკილება ან ალექრგიის აქტიური სიმპტომები აქვთ. ასეთ მდგომარეობაში თუ იმყოფებით, აუციელებელის ექიმს აცნობოთ.
საკვერცხის ჰიპერსტიმულაციის სინდრომი (OHSS)
CETROTIDE გამოიყენება სხვა მედიკამენტებთან ერთად, რომლებიც უფრო მეტი გამოყოფისთვის მზა კვერცხუჯრედის განვითარების მიზნით საკვერცხეების სტიმულირებას ახდენენ. ამ მედიკამენტების მიღების დროს ან მიღების შემდეგ შესაძლებელია OHSS განგივითარდეთ. ეს შემთხვევა თქვენი ფოლიკულების ძალიან გაზრდისა და დიდი ზომის კისტებად გარდაქმნის დროს წარმოიშობა.
ყურადღება მისაქცევი შესაძლო სიმპტომებისა და მათი გამოვლენის დროს განსახორციელებელი ქმედებებისთვის იხ. ნაწილი 4 „რა არის შესაძლო გვერდითი მოვლენები“?
CETROTIDE-ის სამკურნალო ციკლზე მეტი ხნით გამოყენება
CETROTIDE-ის სამკურნალო ციკლზე მეტი ხნით გამოყენებასთან დაკავშირებული გამოცდილება მწირია. CETROTIDE-ის სამკურნალო ციკლზე მეტი ხნით გამოყენების საჭიროების შემთხვევაში ექიმი ყურადღებით შეაფასებს თქვენს მიმართ არსებულ სარგებელსა და რისკებს.
აუცილებლად მიმართეთ ექიმს, თუ ჩამოთვლილ გაფრთხილებათაგან რომელიმე გეხებათ ან წარსულში გეხებოდათ.
ორსულობა
მედიკამენტის მიღებამდე მიმართეთ თქვენს ექიმს ან ფარმაცევტს.
თუ ხართ ორსულად ან გაქვთ ეჭვი, რომ ხართ ორსულად, არ გამოიყენოთ CETROTIDE.
თუ მკურნალობის დროს მიხვდებით, რომ ორსულად ხართ, დაუყოვნებლივ მიმართეთ თქვენს ექიმს ან ფარმაცევტს.
ლაქტაცია
მედიკამენტის მიღებამდე მიმართეთ თქვენს ექიმს ან ფარმაცევტს.
ლაქტაციის პერიოდში არ გამოიყენოთ CETROTIDE.
სატრანსპორტი საშუალებებისა და დანადგარების მართვა
CETROTIDE-ის სატრანსპორტი საშუალებებისა და დანადგარების მართვის უნარზე ზემოქმედების მოხდენა არ არის მოსალოდნელი.
CETROTIDE-ის შემადგენლობაში შემავალი ზოგიერთი დამხარე ნივთიერების შესახებ მნიშვნელოვანი ინფორმაცია
გაფრთხილების საჭიროების მქონე რაიმე სახის დამხმარე ნივთიერებას არ შეიცავს.
სხვა მედიკამენტებთან ერთად მიღება
ცეტრორელიქსთან დაკავშირებით ოფიციალური მედიკამენტის მედიკამენტთან ურთიერთქმედების კვლევები არ ჩატარებულა.
ექსპერიმენტული კვლევები აჩვენებს, რომ ღვიძლის მიერ დაშლილ მედიკქმენტებთან ურთიერთქმედება სავარაუდო არ არის. მაგრამ, ფართოდ გამეყენებადი სამედიცინო პრეპარატებთან, გონადოტროპინებთან ან ჰისტამინის გამოყოფის მასტიმულირებელ მედიკამენტებთან მედიკამენტის ურთიერთქმედების მაჩვენებლის არარსებობის მიუხედავად, ურთიერთქმედების ალბათობის სრული გამორიცხვა არ შეიძლება.
თუ ამჟამად ან ახლახან იღებდით რეცეპტით ან ურეცეპტოდ გაცემულ ნებისმიერ მედიკამენტს, გთხოვთ, აღნიშნულზე აცნობოთ თქვენს ექიმს ან ფარმაცევტს.
3. როგორ უნდა მიიღოთ CETROTIDE?
სწორად მიღებისა და დოზის/მიღების სიხშირის ინსტრუქციები:
CETROTIDE ყოველთვის ზუსტად ისე მიიღეთ, როგორც ექიმი დაგინიშნავთ. თუ არ ხართ დარწმუნებული, გადაამოწმეთ ექიმთან.
თუ ექიმი სხვა ფორმით არ დაგინიშნავთ, CETROTIDE-ის მიღების წესი ქვევით მოცემული ფორმით არის. გთხოვთ მიჰყევით გამოყენების ინსტრუქციას, წინააღმდეგ შემთხვევაში CETROTIDE-ით სრულ სარგებელს ვერ მიიღებთ.
ერთი ფლაკონის შიგთავსი (250 მკგ ცეტრორელიქსი) საღამოს ან დილის საათებში 24 საათიანი პერიოდულობით დღეში ერთხელ მიიღება. პირველი ინექცირების შემდეგ რეკომენდირებულია 30 წუთის განმავლობაში სამედიცინო მეთვალყურეობის ქვეშ იმყოფებოდეთ, რათა დარწმუნდეთ, რომ ინექცირებასთან დაკავშირებით ჰიპერმგრძნიბელობა (ალერგია / ფსევდო ალერგიული რეაქცია) არ გაქვთ.
დილით მიღება: CETROTIDE-ით მკურნალობა საკვერცხეების სტიმულაციის 5-ე ან 6-ე დღეს (საკვერცხეების სტიმულაციის დაწყებიდან 96-120 საათის შემდეგ) ურინარულ ან რეკომბინანტულ გონადოტროპინთან ერთად იწყება და საკვერცხეების სტიმულირების დღის ჩათვლით გონადოტროპინით მკურნალობის განმავლობაში გრძელდება. საკვერცხეების მკურნალობაზე პასუხის მიხედვით შესაძლებელია თქვენმა ექიმმა მკურნალობის სხვა დღეს დაწყება დაგინიშნოთ.
ღამე მიღება: CETROTIDE-ით მკურნალობა საკვერცხეების სტიმულაციის 5-ე დღეს (საკვერცხეების სტიმულაციის დაწყებიდან 96-108 საათის შემდეგ) ურინარულ ან რეკომბინანტულ გონადოტროპინთან ერთად იწყება და საკვერცხეების სტიმულირების დღის ერთი ღამით წინა დღემდე გონადოტროპინით მკურნალობის განმავლობაში გრძელდება. საკვერცხეების მკურნალობაზე პასუხის მიხედვით შესაძლებელია თქვენმა ექიმმა მკურნალობის სხვა დღეს დაწყება დაგინიშნოთ.
მიღების გზა და მეთოდი:
CETROTIDE ინექცირების გზით კანქვეშ კეთდება.
განკუთვნილია მხოლოდ ერთჯერადი გამოყენებისთვის.
პრეპარატის სწრაფი შეწოვის გამარტივების მიზნით პრეპარატის ნელი ინექცირებით შესაძლებელია ინექცირების ადგილის რეაქციები შემცირებულ იქნეს.
CETROTIDE-ის პირველი მიღება უნდა განხორციელდეს ექიმის მეთვალყურეობის ქვეშ და ისეთ პირობებში, სადაც შესაძლო ჰიპერმგრძნობელობის (ალერგიის / ფსევდოალერგიული რეაქციების (სიცოცხლისთვის საფრთხის შემცველი ალერგიული შოკი (ანაფილაქსიური) ჩათვლით) შემთხვევაში მკურნალობა შესაძლებელი იქნება. მას შემდეგ, რაც ჰიპერმგრძნიბელობის რეაქციის შედეგად წარმოქმნილი სიმპტომებისა და გამოვლინებების საკითხში პაციენტს ინფორმაცია მიეწოდება და პაციენტი გაგების, რომ ასეთ შემთხვევებში შესაძლებელია გადაუდებელი სამედიცინო ჩარევა გახდეს საჭირო, შესაძლებელი იქნება შემდგომი ინექცირების პროცედურა პაციენტმა თავად ჩაიტაროს.
CETROTIDE-ის ინექცირება მუცლის ქვედა ნაწილის კედელის კანის ქვეშ, სურვილის შემთხვევაში ჭიპის მიმდებარედ კეთდება. რეგინალური დაზიანების თავიდან აცილების მიზნით ინექცირების ადგილი ყოველდღიურად უნდა შეცვალოთ.
CETROTIDE მხოლოდ მასთან ერთად გადმოცემული მოხმარებისთვის მზა შპრიცში მოთავსებული გამხსნელით უნდა მომზადდეს.
არ გამოიყენოთ CETROTIDE იმ შემთხვევაში თუ ხსნარი გამჭვირვალე არ იქნება ან ნაწილაკებს შეიცავს.
CETROTIDE-ის დამოუკიდებლად გაკეთებამდე გთხოვთ ამ გამოყენების ინსტრუქციების ბოლოს წარმოდგენილი „CETROTIDE-ის გამზადება და ინექცირება“ სათაურით მოცემული ინსტრუქციები ყურადღებით წაიკითხეთ.
სხვადასხვა ასაკობრივი ჯგუფი:
მიღება ბავშვებში:
ბავშვებში არ უნდა იქნეს გამოყენებული.
მიღება ხანდაზმულებში:
ბავშვებში არ უნდა იქნეს გამოყენებული.
სპეციალური მიღების შემთხვევები:
• თირკმლის უკმარისობა:
თირკმელის დაავადება თუ გაქვთ CETROTIDE-ის გამოყენებამდე აცნობეთ თქვენს ექიმს. თირკმელის დაავადების მქონე პირებში CETROTIDE-ის მიღება არ არის გამოკვლეული.
• ღვიძლის უკმარისობა:
ღვიძლის დაავადება თუ გაქვთ CETROTIDE-ის გამოყენებამდე აცნობეთ თქვენს ექიმს. ღვიძლის დაავადების მქონე პირებში CETROTIDE-ის მიღება არ არის გამოკვლეული.
თუ გრჩებათ შთაბეჭდილება, რომ CETROTIDE-ის ეფექტი ძალიან ძლიერი ან სუსტია, მიმართეთ თქვენს ექიმს ან ფარმაცევტს.
თუ საჭიროზე მეტი CETROTIDE მიიღეთ:
თუ საჭიროზე მეტი CETROTIDE მიიღეთ, მიმართეთ ექიმს ან ფარმაცევტს.
შეცდომით საჭიროზე მეტი ინექციის გაკეთების შემთხვევაში ცუდი ეფექტები არ არის მოსალოდნელი. ასეთ შემთხვევაში პრეპარატის ეფექტი უფრო ხანგრძლივად გაგრძელდება. ზოგადად განსაკუთრებული ზომების მიღება არ არის საჭირო.
მღრღნელებში ჩატარებული მწვავე (სწრაფად მიმდინარე) ტოქსიკურობის კვლევებში ფარამაკოლოგიურად ეფექტური სუბკუტანური (კანქვეშ ინექცირება) დოზის 200-ჯერ მეტი ცეტრორელიქსის დოზების პერიტონიუმში (მუცლის მემბრანა) შეყვანის შემდეგ არასპეციფიკური ტოქსიკური სიმპტომები იქნა შემჩნეული.
თუ დაგავიწყდათ CETROTIDE-ის მიღება:
გამოტოვებული დოზის ანაზღაურების მიზნით არ მიიღოთ ორმაგი დოზა, გთხოვთ დაუკავშირდით ექიმს.
იდეალური ფორმით CETROTIDE 24 საათიანი დიაპაზონებით უნდა იქნეს მიღებული. თუმცა, CETROTIDE-ის განსაზღვრულ დროს მიღება თუ დაგავიწყდებათ, შეგიძლიათ გახსენებისას ექიმს გაესაუბროთ და იმავე დღის განმავლობაში სხვა დროს მიიღოთ.
ამ პრეპარატის მიღებასთან დაკავშირებით დამატებითი კითხვები თუ გექნებათ, გთხოვთ გაესაუბრეთ თქვენს ექიმს ან ფარმაცევტს.
CETROTIDE-ით მკურნალობის შეწყვეტის შემთხვევაში განვითარებული შესაძლო გვერდითი მოვლენები:
მონაცემები არ მოიძებნება.
4. რა არის შესაძლო გვერდითი მოვლენები?
სხვა წამლების მსგავსად, მგრძნობიარე ადამიანებს CETROTIDE-ის შემადგენლობაში შემავალ ნივთიერებებზე შეიძლება განუვითარდეთ გვერდითი მოვლენები.
გვერდითი მოვლენები კლასიფიცირდება შემდეგ კატეგორიებად:
ძალიან ხშირი: ვლინდება 10-დან სულ მცირე 1 პაციენტში.
ხშირი: ვლინდება 10-დან 1-ზე ნაკლებ პაციენტში, თუმცა 100-დან 1-ზე მეტ პაციენტში.
არახშირი: ვლინდება 100-დან 1-ზე ნაკლებ პაციენტში, თუმცა 1000-დან 1-ზე მეტ პაციენტში.
იშვიათი: ვლინდება 1000-ში 1-ზე ნაკლებ პაციენტში, თუმცა 10 000-ში 1-ზე მეტ პაციენტში.
ძალიან იშვიათი: ვლინდება 10 000-დან 1-ზე ნაკლებ პაციენტში.
უცნობი: ხელმისაწვდომი მონაცემებით შეფასება შეუძლებელია.
თუ ქვემოთ ჩამოთვლილთაგან რომელიმეს შეამჩნევთ, დაუყოვნებლივ შეწყვიტეთ CETROTIDE-ის მიღება, აცნობეთ ექიმს ანდა თქვენთან ყველაზე ახლოს მდებარე გადაუდებელი დახმარების განყოფილებას მიმართეთ:
ალერგიული რექციები
• კანზე ტემპერატურის მატება, სიწითლე, ქავილი (ხშირად საზარდულის და იღლიის არეში), წითელი, ქავილის მქონე შეშუპებული მიდამოები (ჭინჭრის ციება), გამონადენი ცხვირიდან, სწრაფი ან არარეგულარული მაჯისცემა, ენისა და ყელის შეშუპება, ცემინება, ხრიალა სუნთქვა ან სუნთქვის სერიოზული გაძნელება ან თავბრუსხვევა. შესაძლებელია პრეპარატის მიმართ სერიოზული, სიცოცხლისთვის საფრთხის შემცველი რეაქციების განგივითარდეთ. ეს მდგომარეობა არ არის ხშირი.
ზევით ჩამოთვლილი გვერდითი მოვლენებიდან რომელიმე თუ გამოვლინდება თქვენთან, შეწყვიტეთ CETROTIDE-ის მიღება და დაუყოვნებლივ დაუკავშირდით თქვენს ექიმს.
ყველა მათგანი სერიოზული გვერდითი მოვლენებია. რომელიმე მათგანი თუ გამოვლინდება თქვენ CETROTIDE-ის მიმართ სერიოზული ალერგია გაქვთ. შესაძლებელია გადაუდებელი სამედიცინო ჩარევა ან თქვენი საავადმყოფოში დაწოლა გახდეს საჭირო.
თუ ქვემოთ ჩამოთვლილთაგან რომელიმეს შეამჩნევთ, დაუყოვნებლივ აცნობეთ ექიმს ანდა თქვენთან ყველაზე ახლოს მდებარე გადაუდებელი დახმარების განყოფილებას მიმართეთ:
საკვერცხეების ჰიპერსტიმულაციის სინდრომი (OHSS)
ეს სინდრომი შესაძლებელია წარმოიშვას საკვერცხეების სტიმულაციისთვის გამოყენებულ სხვა მედიკამენტებთან დაკავშირებით.
• მუცლის ქვედა ნაწილში ტკივილი და მასთან ერთად გულისრევა ან ღებინება შესაძლებელია საკვერცხეების ჰიპერსტიმულაციის სინდრომის (OHSS) სიმპტომებს წარმოადგენდნენ. ეს მდგომარეობა მკურნალობეაზე საკვერცხეების გადაჭრბებულ პასუხზე და საკვერცხეების დიდი ზომის კისტების განვითარებაზე მიუთითებს. ეს მდგომარეობა ხშირად ვლინდება.
• შესაძლებელია OHSS უფრო გამწვავდეს საკვერცხეების გაზრდით, შარდის წარმოების შემცირებით, წონაში მატებით, სუთქვის გაძნელებით და/ან კუჭში ან გულმკერდში შესაძლო სითხის დაგროვებით. ეს გვერდითი მოვლენა არ არის ხშირი.
თუ ზევით ჩამოთვლილი სიმპტომებიდან რომელიმეს შეამჩნევთ, დაუყოვნებლივ დაუკავშირდით თქვენს ექიმს.
სხვა გვერდითი მოვლენები
ხშირი:
• სიწითლის, შეშუპების, ფერის ცვლილების, ანთებითი პროცესის, ტკივილისა და კანის დაზიანების მსგავსი ხანმოკლე რეაქციები ინექცირების ადგილას.
არახშირი:
• თავის შეუძლოდ გრძნობა (გულისრევა)
• თავის ტკივილი
გვერდითი მოვლენების აღრიცხვა
მოხმარების ინსტრუქციაში ნახსენები ან სხვა გვერდითი მოვლენის დადგომის შემთხვევაში, გაესაუბრეთ თქვენს ექიმს, ფარმაცევტს ან ექთანს. აგრეთვე, გადატანილი გვერდითი მოვლენების შესახებ შეგიძლიათ შეატყობინოთ თურქეთის ფარმაკოვიგილაციის ცენტრს (TUFAM), რისთვისაც შეგიძლიათ შეხვიდეთ ვებ-გვერდზე: www.titck.gov.tr და გადახვიდეთ „მედიკამენტის გვერდითი მოვლენების შეტყობინების“ გვერდზე, ან დარეკოთ გვერდითი მოვლენების შეტყობინების სპეციალურ ხაზზე: 0 800 314 00 08. გადატანილ გვერდით მოვლენებზე შეტყობინებით საკუთარ წვლილს შეიტანთ თქვენ მიერ მიღებული მედიკამენტის უსაფრთხოების გაზრდაში.
თუ გამოვლინდება რომელიმე გვერდითი მოვლენა, რომელიც არ არის აღნიშნული ამ ინსტრუქციაში, აცნობეთ თქვენს ექიმს ან ფარმაცევტს.
5. როგორ შეინახოთ CETROTIDE?
შეინახეთ CETROTIDE ბავშვებისთვის მიუწვდომელ ადგილას და მის შეფუთვაში.
გაუხსნელი CETROTIDE 2°C-8°C ტემპერატურაზე მაცივარში შეინახეთ. ამ ფორმით შენახვისას პროდუქციის შენახვის ხანგრძლივობა 24 თვეა. არ გაყინოთ ან მაცივრის საყინულის ნაწილში ან ყინვის ფორმასთან ახლოს არ მოათავსოთ.
მეორეს მხრივ, გაუხსნელი პროდუქცია ორიგინალურ შეფუთვაში, 30°C-ზე დაბალ ოთახის ტემპერატურაზე შესაძლებელია 3 თვე შენახულ იქნეს.
ხსნარი მომზადების შემდეგ მაშინვე უნდა გამოიყენოთ.
სინათლისაგან დაცვის მიზნით შეინახეთ საკუთარ შეფუთვაში.
პრეპარატის მიღებისას ყურადღება მიაქციეთ მისი შენახვის ვადას.
არ მიიღოთ CETROTIDE ეტიკეტზე მითითებული ვარგისიანობის ვადის გასვლის შემდეგ. გამოყენების ბოლო თარიღი იმ თვის ბოლო დღეა.
ბოლო გამოყენების თარიღი მითითებულია მუყაოს შეფუთვაზე, ფლაკონზე და შპრიცზე.
არ გამოიყენოთ ეს პრეპარატი, თუ ბოთლში მოთავსებულ თეთრი ფხვნილის გამოსახულებაზე ცვლილებას შეამჩნევთ. არ გამოიყენოთ მომზადებული ხსნარი თუ ხსნარი ნაწილაკებს შეიცავს ან არ არის გამჭვირვალე.
არ გადააგდოთ ვადაგასული ან გამოუყენებელი მედიკამენტები! ასეთი მედიკამენტები გადაეცით გარემოს დაცვისა და ურბანიზაციის სამინისტროს მიერ განსაზღვრულ შემგროვებელ სისტემას.
წარმოების ლიცენზიის მფლობელი:
სს. „მერჯიქ ილაჩ ეჯზა ვე ქიმია თიჯ.“ (Merck İlaç Ecza ve Kimya Tic.A.Ş.)
ათაშეჰირ / სტამბული
წარმოების ადგილი:
Baxter Oncology GmbH
Halle / გერმანია
მოხმარების ინსტრუქცია დამტკიცდა 08 / 12 / 2020 წელს.
CETROTIDE-ის გამზადება და ინექცირება
• ეს ნაწილი გაწვდით ინფორმაციას როგორ უნდა შეურიოთ ერთმანეთს ფხვნილი და სტერილური წყალი (გამხსნელი) ერთმანეთს და როგორ უნდა განახორციელოთ მედიკამენტის ინექცირება.
• ამ მედიკამენტის გამოყენების დაწყებამდე გთხოვთ აქ მოცემული ინსტრუქცია სრულად თანმიმდევრულად წაიკითხოთ.
• ეს მედიკამენტი მხოლოდ თქვენთვის არის განკუთვნილი - გთხოვთ არ დართოთ ნება სხვას გამოიყენოს იგი.
• თითოეული ნემსი, შპრიცი და ფლაკონი მხოლოდ ერთხელ გამოიყენეთ.
დაწყებამდე
1. ეს მედიკამენტი ინექცირებამდე ოთახის ტემპერატურაზე უნდა იყოს. მოხმარებამდე დაახლოებით 30 წუთით წინ გამოიღეთ მედიკამენტი მაცივრიდან.
2. დაიბანეთ ხელები
• მნიშვნელოვანია რომ ხელები და გამოსაყენებელი ნივთები მაქსიმალურად სუფთა იყოს.
3. ყველა საჭირო ნივთი სუფთა ადგილას დადეთ.
• ერთი ცალი ფხვნილის შემცველი ფლაკონი
• ერთი ცალი სტერილური წყლის (გამხსნელი) შემცველი მოხმარებისთვის მზა შპრიცი
• ერთი ცალი ყვითლად მონიშნული ნემსი - სტერილური წყლის ფლაკონში ინექცირებისთვის და ფლაკონიდან გამზადებული მედიკამენტის ამოღების მიზნით
• ერთი ცალი ნაცრისფერად მონიშნული ნემსი - მედიკამენტის მუცლის ნაწილში ინექცირებისთვის.
• ორი ცალი ალკოჰოლიანი ბამბა
მედიკამენტის მომზადებისთვის ფხვნილისა და წყლის ერთმანეთთან შერევა
1. მოხსენით ფლაკონის თავსახური.
• ქვედა ნაწილში კაუჩუკის საცობი აქვს - დატოვეთ იგი ფლაკონზე.
• კაუჩუკის საცობი და მეტალის რგოლი პირველი ალკოჰოლიანი ბამბით გაასუფთავეთ.
2. მოხმარებისთვის მზა შპრიცში არსებული წყლის მოთავსება ფხვნილის შემცველ ფლაკონში:
• ყვითელი ფერის ნემსი გახსენით.
• მოხმარებისთვის მზა შპრიცის თავსახური მოხსენით და ყვითელი ნემსი დაამაგრეთ.
• ყვითელი ნემსი კაუჩუკის საცობის ცენტრში შიდა მიმართულებით ჩაარჭერთ.
• შპრიცის დგუშს ნელა დააწექით და წყლის ფლაკონში მოთავსება განახორციელეთ.
• შპრიცი კაუჩუკის საცობზე დატოვეთ.
3. ფლაკონში არსებული ფხვნილისა და წყლის ერთმანეთთან შერევა
• შპრიცი და ფლაკონი ყურადღებით დაიკავეთ და ფხვნილისა და წყლის ერთმანეთთან შერევის მიზნით ფრთხილად წრიულად ამოძრავეთ. შერევის შემდეგ ხსნარი გამჭვირვალე უნდა იყოს და ნაწილაკებს არ უნდა შეიცავდეს.
• მედიკამენტი არ შეანჯღრიოთ და ბუშტუკები არ წარმოქმნათ.
4. ფლაკონში არსებული მედიკამენტით შპრიცის ხელახალი შევსება
• ფლაკონი თავდაყირა ამოატრიალეთ. შემდეგ კი ფლაკონში არსებული მედიკამენტით შპრიცის შევსების მიზნით ფრთხილად გასწიეთ დგუში უკან. ყურადღება მიაქციეთ, რომ დგუში მასზე დამაგრებულ დგუშის საცობთან ერთად სრულიად არ ამოაძროთ. შეცდომით დგუშის საცობისა და დგუშის ამოძრობის შემთხვევაში იქიდან გამომდინარე რომ სტერილურობა დაირღვევა, დოზა გადააგდეთ და ახალი დოზა მოამზადეთ (1-ლი ნაბიჯიდან ხელახლა დაწყებით).
• ფლაკონის შიგნით მედიკამენტის დარჩენის შემთხვევაში ყვითელი ნემსი უკან გასწიეთ მანამ, სანამ ნემსის წვერი კაუჩუკის საცობში შევი. საცობზე არსებული ნახვრეტის მხრიდან თუ შეხედავთ, შეგიძლიათ ნემსისა და სითხის კონტროლი განახორციელოთ.
• დარწმუნდით რომ ფლაკონიდან მედიკამენტი მთლიანად ამოიღეთ.
• ყვითელ ნემსს თავსახური ხელახლა დაახურეთ. ყვითელი ნემსი მოხსენით შპრიცს და შპრიცი გვერდზე გადადეთ.
საინექციო ადგილის მომზადება და მედიკამენტი ინექცირება
1. ბუშტუკების გამოდევნა
• ნაცრისფერად მონიშნული ნემსი ამოიღეთ. ნაცრისფერი ნემსი შპრიცზე დაამაგრეთ და ნაწრისფერ ნემსს თავსახური მოხსენით.
• ნაცრისფერ ნემსიანი შპრიცი ზევით მიმართულებით დაიჭირეთ და ჰაერის ბუშტუკების არსებობა შეამოწმეთ.
• ჰაერის ბუშტუკების გამოდევნის მიზნით შპრიცს სუსტად დაარტყით მანამ, სანამ მთლიანი ჰაერი შპრიცის ზედა ნაწილში არ მოთავსდება. შემდეგ კი ჰაერის ბუშტუკები სრულიად გამოდევნამდე დგუშს ზევით მიმართულებით დააჭირეთ.
• ნაცრისფერ ნემსს არ შეეხოთ და არ დაუშვათ რომ ნემსი რაიმე ზედაპირს შეეხოს.
2. საინექციო მიდამოს გასუფთავება
• მუცლის მიდამოში საინექციო ადგილი აირჩიეთ. საუკეთესო მიდამო არის ჭიპის მიმდებარედ. კანზე დაზიანების შემცირების მიზნით ყოველ დღე მუცელზე სხვადასხვა მიდამო აირჩიეთ.
• თქვენს მიერ არჩეული საინექციო მიდამოს კანი მეორე ალკოჰოლიანი ბამბით წრიული მოძრაობებით გაასუფთავეთ.
3. კანის დაჭერა
• შპრიცი ერთი ხელით დაიკავეთ ისე, როგორც კალამი.
• საინექციო ადგილს გვერდებზე მეორე ხელით სუსტად მოუჭირეთ და მკვრივად დაიჭირეთ.
• ნაცრისფერი ნემსი კანზე 45-დან 90-მდე გრადუსიანი კუთხით მთლიანად ნელა ჩაარჭეთ. შემდეგ დაჭერილი კანი უნდა გაანთავისუფლოთ.
4. მედიკამენტის ინექცირება
• შპრიცის დგუში ნელა უკან გასწიეთ. სისხლი თუ გამოჩნდება ქვევით მოცემულ 5-ე ნაბიჯში აღწერილი ფორმით გააგრძელეთ პროცედურა.
• მაგრამ სისხლი თუ არ გამოჩნდება, დგუშს სუსტად წინ მიმართულებით მიაჭირეთ და მედიკამენტი ნელა შეიყვანეთ.
• შპრიცის დაცლის შემდეგ ნაცრისფერი ნემსი ამოიღეთ იმ კუთხით, რა კუთხითაც ჩაარჭეთ.
• მეორე ალკოჰოლიანი ბამბის გამოყენებით ინექსირების ადგილას სუსტი ზეწოლა განახორციელეთ.
5. თუ სისხლი გამოჩნდება
• ნაცრისფერი ნემსი იმავე კუთხით უკან გამოსწიეთ.
• მეორე ალკოჰოლიანი ბამბის გამოყენებით კანის დაჭერილ ადგილას სუსტი ზეწოლა განახორციელეთ.
• მედიკამნეტი ნიჟარაში გადააქციეთ და ქვევით 6-ე ნაბიჯში აღწერილ ფორმით გააგრძელეთ ქმედებები.
• ხელები დაიბანეთ და ახალი ფლაკონითა და მოხმარებისთვის მზა შპრიცით ხელახლა დაიწყეთ.
6. განადგურება
• თითოეული შპრიცი, ნემსი და ფლაკონი მხოლოდ ერთხელ გამოიყენეთ.
• უსაფრთხოდ გადაგდების მიზნით ნემსებს თავსახური ხელახლა დაახურეთ.
• გამოყენებული ფლაკონის, ნემსისა და შპრიცის სწორი ფორმით განადგურებასთან დაკავშირებით გაესაუბრეთ ფარმაცევტს.
