ფხვნილი და გამხსნელი საინექციო ხსნარისთვის
გამოიყენება კანქვეშ.
სტერილური
• აქტიური ნივთიერება:
150 IU ალფა ფოლიტროპინი და 75 IU ალფა ლუტროპინი.
გამხსნელი 1 მლ-იანი საინექციო წყალია.
• დამხმარე ნივთიერებები:
საქაროზა, ნატრიუმის დიჰიდროფოსფატის მონოჰიდრატი, მეთიონინი, პოლისორბატი 20, კონცენტრირებული ფოსფორის მჟავა და ნატრიუმის ჰიდროქსიდი.
გთხოვთ, ამ მედიკამენტის მიღების დაწყებამდე ყურადღებით გაეცნოთ აღნიშნულ მოხმარების წესებს, რადგან ინსტრუქცია თქვენთვის მნიშვნელოვან ინფორმაციას შეიცავს.
- შეინახეთ მოხმარების ინსტრუქცია. შეიძლება მოგვიანებით ხელახლა წაკითხვა დაგჭირდეთ;
- დამატებითი კითხვების შემთხვევაში, გთხოვთ, მიმართოთ თქვენს ექიმს ან ფარმაცევტს;
- თუ მედიკამენტი პირადად თქვენ დაგენიშნათ, არ მისცეთ სხვას;
- მედიკამენტის მიღების პერიოდში, ექიმთან ან საავადმყოფოში ვიზიტისას, თქვენს ექიმს უთხარით, რომ იღებთ ამ მედიკამენტს;
- ზუსტად დაიცავით ინსტრუქციაში მოცემული წესები. არ მიიღოთ იმაზე მეტი ან ნაკლები დოზა, რაც დაგენიშნათ.
აღნიშნული მოხმარების ინსტრუქციაში მიიღებთ პასუხებს შემდეგ კითხვებზე:
1. რა არის PERGOVERIS და რისთვის გამოიყენება?
2. PERGOVERIS-ის მიღებამდე რა უნდა გაითვალისწინოთ?
3. როგორ უნდა მიიღოთ PERGOVERIS?
4. რა არის შესაძლო გვერდითი მოვლენები?
5. როგორ შეინახოთ და გამოიყენოთ PERGOVERIS?
1. რა არის PERGOVERIS და რისთვის გამოიყენება?
PERGOVERIS „ალფა ფოლიტროპინის“ და „ალფა ლუტროპინის“ სახელით ცნობილ ორ განსხვავებულ აქტიურ ნივთიერებას შეიცავს. ორივე მათგანი „გონადოტროპინების“ სახელით ცნობილი ჰორმონების ჯგუფში შედის, რომელიც რეპროდუქციაზე და ნაყოფიერებაზე ახდენს ზემოქმედებას.
ფხვნილი თეთრი ან მოთეთრო ფერის ლიოფილიზებული გრანულებისგან შედგება. გამხსნელი გამჭვირვალე უფერო ხსნარია. 1, 3 და 10 ფლაკონში ფხვნილის, ამის შესაბამისი რაოდენობის, ანუ 1, 3 და 10 ფლაკონში გამხსნელის შემცველი შეფუთვის სახით არის ბაზარზე წარმოდგენილი. შესაძლებელია შეფუთვის მთლიანი სიდიდეები ბაზარზე ვერ მოიძიოთ.
ეს მედიკამენტი მხოლოდ ექიმის მკაცრი კონტროლის ქვეშ უნდა მიიღოთ.
ეს მედიკამენტი საკვერცხეებში ფოლიკულების (თითოეული კვერცხუჯრედის შემცველი) განვითარების სტიმულირებისთვის გამოიყენება. იგი დაორსულებაში გეხმრებათ. გამოიყენება ზრდასრუ ქალებში (18 წლის და უფროსი ასაკის), რომელთაც „ფოლიკულ მასტიმულირებელი ჰორმონი (FSH)“ და „მალუთეინიზირებელი ჰორმონი (LH)“ ძალიან მცირე დონეზე (მწვავე უკმარისობა) აქვთ. ეს ქალები ზოგადად ნაყოფიერები არ არიან.
• PERGOVERIS-ის აქტიური ნივთიერებები FSH და LH ბინებრივი ჰორმონების დუბლიკატებია. თქვენს სხეულში FSH კვერცხუჯრედების წარმოებას ასტიმულირებს.
• LH კვერცხუჯრედების თავისუფალ მდგომარეობაში დარჩენას ასტიმულირებს.
PERGOVERIS არასაკმარისი ჰორმონების ადგილს იკავებს და FSH და LH ჰორმონების დაბალი დონის მქონე ქალებში ფოლიკულების განვითარებას უზრუნველყოფს. ეს კი „ადამიანის ქორიონული გონადოტროპინის (hCG)“ ჰორმინის ინექცირების შემდეგ კვერცხუჯრედს გამოყოფს. ამრიგად, ქალს დაორსულებაში დაეხმარება.
2. PERGOVERIS-ის მიღებამდე რა უნდა გაითვალისწინოთ?
უნაყოფობის დაავადების მკურნალობაში გამოცდილი ექიმის მხრიდან მკურნალობის დაწყებამდე თქვენი და თქვენი მეუღლის რეპროდუქციული უნარი უნდა შეფასდეს.
არ გამოიყენოთ PERGOVERIS ქვევით მოცემულ შემთხვევებში:
• თუ გაქვთ ალერგია (ჰიპერმგრძნობელობა) ფოლიკულო მასტიმულირებელი ჰორმონის (FSH), მალუთეინიზირებელი ჰორმონის (LH) ან ამ მედიკამენტის შემადგენელი რომელიმე სხვა დამხმარე ნივთიერების მიმართ;
• თუ გაქვთ სიმსივნე ჰიპოთალამუსის ანდა ჰიპოფიზის ჯირკვალში;
• გაქვთ დიდი ზომის საკვერცხეები ან საკვერცხებში კისტები, რომელთა წარმოშობაც დაუდგენელია;
• გაქვთ გინეკოლოგიური სისხლდენა, რომლის მიზეზიც უცნობია;
• გაქვთ საკვერცხის, საშვილოსნოს ან ძუძუს კიბო;
• გაქვთ ნაადრევი მენოპაუზის, სასქესო ორგანოების სტრუქტურული დარღვევების ან საკვერცხეების კეთილთვისებიანი სიმსივნეების მსგავსი მდგომარეობა, რომელიც ნორმალურ ორსულობას შეუძლებელს ქმნის;
• ხართ ორსულად ან ბავშვს კვებავთ ძუძუთი.
არ მიიღოთ ეს მედიკამენტი, ზევით ჩამოთვლილთაგან რომელიმე თუ გეხებათ. თუ არ ხართ დარწმუნებული, ამ მედიკამენტის მიღებამდე მიმართეთ ექიმს, ექთანს ან ფარმაცევტს.
PERGOVERIS-ის მიღების შემთხვევაში, სიფრთხილე გამოიჩინეთ:
თუ გაქვთ პორფირია (მდგომარეობა, რომლის დროსაც სხეულში არსებული ქიმიური ნივთერებები ვერ იშლება) ან თქვენს ოჯახში არის პორფირიის ანამნეზი (გენეტიკური დაავადება), მკურნალობის დაწყებამდე აცნობეთ თქვენს ექიმს. ქვევით ჩამოთვლილთაგან რომელიმეს გამოვლენის შემთხვევაში დაუყოვნებლივ აცნობეთ ექიმს:
• თუ თქვენი კანი გახდება მგრძნობიარე და წყლულების სწრაფად წარმოქმნა დაიწყება (განსაკუთრებით იმ მიდამოების, რომელიც მზის სხივების ზემოქმედების ქვეშ რჩება),
• მუცლის, მკლავების ან ფეხების ტკივილს შეიგრძნობთ.
ზევით ჩამოთვლილთა გამოვლენის შემთხვევაში შესაძლებელია ექიმმა მკურნალობის შეწყვეტა მოგთხოვოთ.
• ეს მედიკამენტი საკვერცხეების სტიმულირებას ახდენს. ეს კი თქვენში საკვერცხეების ჰიპერსტიმულაციის სინდრომის (OHSS - საკვერცხეების ჰიპერსტიმულაცია) განვითარების რისკს ზრდის. ეს არის ფოლიკულების ძალიან სწრაფი განვითარებისა და დიდი ზომის კისტებად გარდაქმნის მდგომარეობა. მუცლის ქვედა ნაწილში ტკივილი თუ გაქვთ, წონაში სწრაფად თუ მოიმატეთ, გულისრევა ან ღებინება ან სუნთქვის გაძნელება თუ გაქვთ, დაუყოვნებლივ მიმართეთ ექიმს, შესაძლებელია ექიმმა მედიკამენტის მიღების შეწყვეტა მოგთხოვოთ (იხ. ნაწილი 4).
მაგრამ ჩვეულებრივ ოვულაცია თუ არ ხდება და მკურნალობაში რეკომნდირებულ დოზისა და მიღების ცხრილს მიყვებით, OHSS-ს განვითარების ალბათობა არ არის ხშირი. PERGOVERIS-ით მკურნალობამ იშვიათად შესაძლებელია მწვავე OHSS გამოიწვიოს.
ფოლიკულების საბოლოო მომწიფების სტიმულირებისთვის გამოსაყენებელი მედიკამენტის (ადამიანის ქორიონული გონადოტროპინის შემცველი hCG) გამოყენება თუ მოხდება, OHSS-ს განვითარება ალბათობა უფრო შესაძლო გახდება (იხ. ნაწილი 3). OHSS-ს განვითარება თუ ხდება, შესაძლებელია ექიმმა აღნიშნული მკურნალობის პერიოდში არანაირი hCG არ მოგცეთ და გითხრათ რომ მინიმუმ 4 დღიანი პერიოდით სქესობრივი კავშირი არ გქონდეთ ან ბარიერული მეთოდი გამოიყენოთ.
ექიმმა შესაძლებელია მკურნაალობამდე და მკურნალობის მიმდინარეობისას ულტრაბგერისა და სისხლის ტესტირების (ესტრადიოლის გაზომვა) გამოყენებით საკვერცხეების პასუხზე ყურადღებით დაკვირვება განახორციელოს.
• PERGOVERIS-ის გამოყენებისას ერთდროულად ერთზე მეტ ბავშვზე ორსულობის („მრავლობითი ორსულობა“ ხშირ შეთხვევაში ტყუპების ალბათობა) რისკი ჩვეულებრივ ორსულობასთან შედარებით უფრო მაღალია. მრავლობითმა ორსულობამ შესაძლებელია თქვენთვის და თქვენი შვილებისთვის სამედიცინო გართულებები გამოიწვიოს. მრავლობითი ორსულობის რისკის შემცირება შესაძლებელია სწორ დროს და სწორი დოზებით PERGOVERIS-ის გამოყენებით. მრავლობითი ორსულობის რისკის მინიმუმამდე შემცირებისთვის ულტრაბგერით გამოკვლევასთან ერთად სისხლის ტესტირებები არის რეკომენდირებული.
• კვერცხუჯრედის წარმოების მიზნით თქვენი საკვერცხეების სტიმულირებისას საშუალოდ ერთი ქალის მიხედვით მუცლის მოშლის ალბათობა უფრო მეტი გაქვთ.
• როგორც ბუნებრივი გზით, ასევე რეპროდუქციული მკურნალობის შედეგად დაორსულების შემთხვევაში ემბრიონის საშვილოსნოს გარეთ განვითრებული ორსულობის (გარე ორსულობა) რისკის ქვეშ იმყოფებიან ქალები, რომელთა ფლოპის მილები (საშვილოსნოს ზედა კუთხეებიდან საკვერცხეებამდე გაგრძელებული მილის მსგავსი სტრუქტურებია) დახშობილი ან დაზიანებულია.
• ნებისმიერ დროს ფეხებში ან ფილტვებში სისხლის თრომბი თუ წარმოგექმნათ, გულის შეტევა ან ინფარქტი თუ გადაიტანეთ, ან მათგან ერთერთი თქვენი ოჯახის რომელიმე წევრს თუ განუვითარდა, PERGOVERIS-ის მიღებამდე ექიმს უნდა აცნობოთ. PERGOVERIS-ით მკურნალობის დროს სერიოზული თრომბის განვითარების ან გაუარესების რისკი უფრო მაღალია.
• საკვერცხეების და სხვა სასქესო ორგანოების კეთილთვისებიანი და ავთვისებიანი სიმსივნეები დაფიქსირდა ქალებში, რომლებიც განაყოფიერების მკურნალობის მრავალ რეჟიმს იღებდნენ.
• PERGOVERIS-ის მიმართ ინდივიდუალური არასერიოზული ალერგიული რეაქციების შესახებ მონაცემები არის ცნობილი. ადრე მსგავს მედიკამენტებზე ამგვარი რეაქციები თუ გქონიათ, PERGOVERIS-ის გამოყენებამდე აუცილებლად ექიმს უნდა აცნობოთ.
აუცილებლად მიმართეთ ექიმს, თუ ჩამოთვლილ გაფრთხილებათაგან რომელიმე გეხებათ ან წარსულში გეხებოდათ.
ორსულობა
მედიკამენტის მიღებამდე მიმართეთ თქვენს ექიმს ან ფარმაცევტს.
თუ ხართ ორსულად, PERGOVERIS არ უნდა მიიღოთ.
თუ მკურნალობის დროს მიხვდებით, რომ ორსულად ხართ, დაუყოვნებლივ მიმართეთ თქვენს ექიმს ან ფარმაცევტს.
ლაქტაცია
მედიკამენტის მიღებამდე მიმართეთ თქვენს ექიმს ან ფარმაცევტს.
ლაქტაციის პერიოდში PERGOVERIS არ მიიღოთ.
სატრანსპორტი საშუალებებისა და დანადგარების მართვა
ავტომობილის მართვის ანდა მექანიზმების გამოყენების უნარზე ზემოქმედების მოხდენა არ არის მოსალოდნელი.
PERGOVERIS-ის შემადგენლობაში შემავალი ზოგიერთი დამხარე ნივთიერების შესახებ მნიშვნელოვანი ინფორმაცია
PERGOVERIS თითოეულ „დოზა“-ში 1 მმოლ (23 მგ)-ზე მცირე რაოდენობით ნატრიუმს შეიცავს, ანუ სინამდვილეში „ნატრიუმს არ შეიცავს“.
სხვა მედიკამენტებთან ერთად მიღება
PERGOVERIS-ის ფოლიტროპინ ალფას გარდა (ექიმის მიერ გამოწერის შემთხვევაში) სხვა მედიკამენტებთან ერთად ერთი ინექციის შემადგენლობაში გამოყენება დაუშვებელია.
თუ ამჟამად ან ახლახან იღებდით რეცეპტით ან ურეცეპტოდ გაცემულ ნებისმიერ მედიკამენტს, გთხოვთ, აღნიშნულზე აცნობოთ თქვენს ექიმს ან ფარმაცევტს.
3. როგორ უნდა მიიღოთ PERGOVERIS?
PERGOVERIS ყოველთვის ზუსტად ისე მიიღეთ, როგორც ექიმი ან ფარმაცევტი გეტყვით. თუ არ ხართ დარწმუნებული, მიმართეთ ექიმს ან ფარმაცევტს.
სწორად მიღება და დოზასთან / მიღების სიხშირესთან დაკავშირებული ინსტრუქციბი:
ჩვეულებრივი საწყისი დოზა ყოველდღე PERGOVERIS-ის ერთი ფლაკონია.
• მკურნალობაზე პასუხის მიხედვით შესაძლებელია თქვენმა ექიმმა PERGOVERIS-ის ინექციაზე ყოველ დღე ერთი დოზა ფოლიტროპინ ალფას დამატება გადაწყვიტოს. ასეთ შემთხვევაში ფოლიტროპინის დოზა ჩვეულებრივ ყოველ 7-ე დღეს ან 14-ე დღეს 37,5 და 75 IU დოზით გაიზრდება.
• მკურნალობა სასურველი შედეგის მიღებამდე, ანუ ულტრაბგერითი გამოკვლევითა და სისხლის ანალიზებით განხორციელებული შეფასებისას შესაბამისი ფოლიკულების (საკვერცხეში არსებული და კვერცხუჯრედის შემცველი მცირე ზომის ბუშტი) წარმოქმნის დადგენამდე გრძელდება.
• ეს შესაძლებელია 5 კვირამდე გაგრძელდეს.
სასურველი შედეგის მიღებისას, PERGOVERIS-ის ბოლო ინექცირებიდან 24-48 საათის შემდეგ ერთი ინექციის სახით ადამიანის ქორიონული გონადოტროპინი (hCG) გაგიკეთდებათ. სქესობრივი კვშირისთვის ყველაზე შესაფერისი დრო hCG ინექცირების დღე ან მეორე დღეა. ალტერნატივის სახით საშვილოსნოს შიდა განაყოფიერებაც (IUI) შესაძლებელია განხორციელდეს.
სხეული გადაჭარბებულ პასუხს თუ მოგცემთ, მკურნალობა შეწყდება და hCG აღარ გაგიკეთდებათ (იხ. ნაწილი 2 „საკვერცხეების ჰიპერსტიმულაციის სინდრომი“). ასეთ შემთხვევაში მკურნალობის მომდევნო პერიოდში ექიმი წინა პერიოდთან შედარებით ფოლიტროპინ ალფას უფრო დაბალ დოზას დაგინიშნავთ.
მიღების გზა და მეთოდი:
• PERGOVERIS ინექციის საშუალებით კანის ქვეშ შეყვანისთვს არის განკუთვნილი. კანის დაზიანების პრევენცირების მიზნით ყოველ დღე სხვადასხვა ადგილას გაიკეთეთ.
• მედიკამენტის შეფუთვაში ერთი ფხვნილი და ერთი გამხსნელია წარმოდგენილი. ისინი ერთმანეთს უნდა შეურიო და მაშინვე გამოიყენო.
• თქვენი ექიმი ან ექთანი გიჩვენებთ თუ როგორ უნდა მოამზადოთ და გნახორციელოთ ინექცირება.
• თუ მივლენ დასკვნამდე რომ თქვენ თვითონ შეძლებთ PERGOVERIS-ის უსაფრთხოდ გაკეთებას, ამიერიდან თქვენ თვითონ შეგეძლებათ ინექციის სახლში მომზადება და გაკეთება.
PERGOVERIS-ის თქვენი თავისთვის გაკეთებას თუ აპირებთ, გთხოვთ ყურადღებით გაეცანით შემდეგ მითითებებს:
PERGOVERIS-ის მომზადება და გამოყენება
მედიკამენტის მომზადების დაწყებამდე ქვევით მოცემული მითითებები სრულიად წაიკითხეთ.
ინექცირება ყოველ დღე ერთი და იგივე საათზე განახორციელეთ.
1. დაიბანეთ ხელები და პროცედურის განხორციელებისთვის სუფთა ადგილი მოძებნეთ.
• მნიშვნელოვანია რომ ხელები და გამოსაყენებელი ნივთები მაქსიმალურად სუფთა იყოს.
• სუფთა მაგიდა ან სამზარეულოს მაგიდა შესაბამისი ადგილებია.
2. ყველა საჭირო ნივთი მოამზადეთ და ყველაფერი სუფთა ზედაპირზე მოათავსეთ:
• 1 ფლაკონი PERGOVERIS-ის ფხვნილი
• 1 ფლაკონი საინექციო ხსნარი (გამხსნელი)
სხვა საჭირო მასალები, რაც შეფუთვაში არ არის მოცემული:
• 2 ცალი ალკოჰოლიანი ბამბა
• 1 ცარიელი შპრიცი (ინექცირებისთვის)
• 1 ნემსი (მედიკამენტის მომზადებისთვის)
• 1 ცალი წვრილ წვერიანი ნემსი (კანქვეშ ინექცირებისთვის)
• მჭრელი ნივთების გადასაყრელი ჭურჭელი (შუშისა და ნემსების უსაფრთხოდ გადაგდების მიზნით)
3. ხსნარის მომზადება
• წყლით სავსე (გამხსნელი) ფლაკონს დამცავი თავსახური მოხსენით.
• მედიკამენტის მოსამზადებლად გამოსაყენებელი ნემსი დაამაგრეთ შპრიცზე.
• დაახლოებით 1 მლ დაწერილ ადგილამდე დგუში გასწიეთ და შპრიცში ჰაერი შეიყვანეთ.
• ნემსი ფლაკონში მოათავსეთ, დგუშს მიაჭირეთ და ჰაერი დაცალეთ.
• ფლაკონი თავდაყირა შემოატრიალეთ და მასში არსებული გამხსნელი მთლიანად შპრიცში ამოიღეთ.
4. დოზის ინექცირება
• PERGOVERIS-ის ფხვნილის შემცველ ფლაკონს დამცავი თავსახური მოხსენით.
• შპრიცში მოთავსებული გამხსნელი ნელა ფლაკონში ჩაუშვით.
• შპრიცის მოხსნის გარეშე ფლაკონი ნელა შემოატრიალეთ. არ შეანჯღრიოთ.
• ფხვნილის გახსნის შემდეგ (ზოგადად მაშინვე იხსნება) შეამოწმეთ წარმოქმნილი ხსნარი არის თუ არა გამჭვირვალე და შეიცავს თუ არა ნაწილაკებს.
• ფლაკონი თავდაყირა შემოატრიალეთ და მთლიანი ხსნარი ფრთხილად ამოიღეთ შპრიცში. ხელახლა შეამოწმეთ შეიცავს თუ არა ნაქილაკებს და ხსნარი გამჭვირვალე თუ არ არის, არ გამოიყენოთ.
5. შპრიცის მომზადება საინექციოდ
• ნემსი წვრილ წვერიანი კანქვეშ საინექციო ნესით შეცვალეთ.
• ჰაერის ბუშტუკები გამოუშვით. შპრიცში ჰაერის ბუშტუკებს თუ შეამჩნევთ, ნემსიანი შპრიცი დაიჭირეთ ისე რომ ნემსის წვერი ზევით იყოს მიმართული, შპრიცს სუსტად დაარტყით თითი და ჰაერის წვერთან გადაადგილება უზრუნველყავით. ჰაერის ბუშტუკების სრულად გამოდევნის მიზნით დგუშს მიაწექით.
• მაშინვე განახორციელეთ ხსნარის ინექცირება: ექიმი ან ექთანი გეტყოდათ თუ სად უნდა განახორციელოთ ინექცირება (მაგ: მუცელი, ბარძაყის წინა მხარე). კანის გაღიზიანების თავიდან აცილების მიზნით ყოველ დღე სხვადასხვა ადგილას გაიკეთეთ.
• არჩეული ადგილი ალკოჰოლიანი ბამბით წრიული მოძრაობებით გაასუფთავეთ.
• კანზე მთავარი და საჩვენებელი თითებით მოუჭირეთ და ნემსი 45-დან 90-მდე გრადუსიანი კუთხით დართზე ისრის ჩარჭობის მსგავსად ჩაარჭეთ.
• თქვენთვის ნასწავლები ფორმით ინექცირება კანქვეშ განახორციელეთ. სისხლძარღვში პირდაპირი ინექცირება არ განახორციელოთ.
• ხსნარი დგუშზე ნელი მიწოლით შეიყვანეთ კანქვეშ. მთლიანი შპრიცის ინექცირებამდე გააგრძელეთ ეს პროცედურა.
• შემდეგ ნემსი ამოიღეთ და ალკოჰოლიანი ბამბით წრიული მოძრაობებით გაწმინდეთ კანი.
6. ინექცირების შემდეგ
გაანადგურეთ ყველა გამოყენებული მასალა: ინექცირების დამთავრების შემდეგ ცარიელი შპრიცი და ფლაკონები მჭრელი ნივთების გადასაყრელ ჭურჭელში გადააგდეთ. გამოუყენებელი ხსნარიც მთლიანად უნდა გადააგდოთ.
• სხვადასხვა ასაკობრივი ჯგუფები:
ბავშვებში გამოყენება:
PERGOVERIS ბავშვებში არ მიიღება.
ხანდაზმულებში გამოყენება:
PERGOVERIS-ის ხანდაზმულებში მიღებისთვის თანხმობა არ არსებობს.
PERGOVERIS-ის ხანდაზმულებში მიღებასთან დაკავშირებით უსაფრთხოება და ეფექტურობა არ არის დადასტურებული.
• სპეციალური მიღების შემთხვევები:
თირკმელების უკმარისობა / ღვიძლის უკმარისობა:
თირკმელების ან ღვიძლის უკმარისობის მქონე პაციენტებში PERGOVERIS-ის უსაფრთხოება, სარგებელი და ფარმაკოკინეტიკა არ არის დადგენილი.
თუ გაქვთ შთაბეჭდილება, რომ PERGOVERIS-ის ეფექტი ძალიან ძლიერია ან ძალიან სუსტი, მიმართეთ თქვენს ექიმს ან ფარმაცევტს.
თუ საჭიროზე მეტი PERGOVERIS მიიღეთ:
თუ საჭიროზე მეტი PERGOVERIS მიიღეთ, დაუყოვნებლივ მიმართეთ ექიმს ან ფარმაცევტს.
PERGOVERIS-ის გადაჭარბებული დოზის ეფექტები უცნობია. მაგრამ OHSS წარმოიშობა მოსალოდნელია. თუმცა ეს მდგომარეობა მხოლოდ hCG გამოყენებისას წარმოიშობა (იხ. ნაწილი 2, „PERGOVERIS-ის გამოყენებამდე ყურადღება უნდა მიაქციოთ“).
თუ დაგავიწყდათ PERGOVERIS-ის მიღება:
გამოტოვებული დოზის ანაზღაურების მიზნით არ მიიღოთ ორმაგი დოზა. გთხოვთ, მიმართეთ ექიმს.
PERGOVERIS-ით მკურნალობის შეწყვეტის შემთხვევაში წარმოსაშობი ეფექტები:
ამ მედიკამენტის გაკეთება ხდება განაყოფიერების დარგში სპეციალიზებული ექიმის მეთვალყურეობის ქვეშ. ექიმთან შეთანხმების გარეშე მედიკამენტის მიღების შეწყვეტის შემთხვევაში შესაძლებელია მკურნალობით მოსალოდნელი სარგებელი ვერ მიიღოთ.
4. რა არის შესაძლო გვერდითი მოვლენები?
სხვა წამლების მსგავსად, მგრძნობიარე ადამიანებს PERGOVERIS-ის შემადგენლობაში შემავალ ნივთიერებებზე შეიძლება განუვითარდეთ გვერდითი მოვლენები.
გვერდითი მოვლენები სიხშირის მიხედვით შემდეგ კატეგორიებად კლასიფიცირდება:
ძალიან ხშირი: ვლინდება 10-დან სულ მცირე 1 პაციენტში.
ხშირი: ვლინდება 10-დან 1-ზე ნაკლებ პაციენტში, თუმცა 100-დან 1-ზე მეტ პაციენტში.
არახშირი: ვლინდება 100-დან 1-ზე ნაკლებ პაციენტში, თუმცა 1000-დან 1-ზე მეტ პაციენტში.
იშვიათი: ვლინდება 1000-ში 1-ზე ნაკლებ პაციენტში, თუმცა 10 000-ში 1-ზე მეტ პაციენტში.
ძალიან იშვიათი: ვლინდება 10 000-დან 1-ზე ნაკლებ პაციენტში.
უცნობია: ხელმისაწვდომი მონაცემებით შეფასება შეუძლებელია.
თუ შეამჩნევთ რომელიმე ჩამოთვლილთაგანს, დაუყოვნებლივ შეწყვიტეთ PERGOVERIS-ის მიღება, აცნობეთ ექიმს ან მიმართეთ უახლოეს საავადმყოფოს სასწრაფო დახმარების განყოფილებას:
ალერგიული რეაქციები
გამონაყართან, კანის სიწითლესთან, ჭინჭრის ციებასთან, სუნთქვის გაძნელებასთან ერთად სახის შეშუპების მსავსი ალერგიული რეაქციები ზოგჯერ შესაძლებელია სერიოზული იყოს. ეს გვერდითი მოვლენა ძალიან იშვიათად ვლინდება.
საკვერცხეები ჰიპერსტიმულაციის სინდრომი
• მუცლის ქვედა ნაწილში ტკივილი და მასთან ერთად გულისრევა ან ღებინება შესაძლებელია საკვერცხეების ჰიპერსტიმულაციის სინდრომის (OHSS) სიმპტომებს წარმოადგენდნენ. შესაძლებელია ეს მდგომარეობა მკურნალობეაზე საკვერცხეების გადაჭრბებულ პასუხზე და საკვერცხეების დიდი ზომის კისტების განვითარებაზე მიუთითებდეს (იხ. ნაწილი 2. საკვერცხეები ჰიპერსტიმულაციის სინდრომი) ეს გვერდითი ეფექტი ხშირია. თუ ეს ეფექტი გამოვლინდება, ექიმმა უახლოეს პერიოდში უნდა გაგსინჯოთ.
• შესაძლებელია OHSS უფრო გამწვავდეს საკვერცხეების გაზრდით, შარდის წარმოების შემცირებით, წონაში მატებით, სუთქვის გაძნელებით და/ან კუჭში ან გულმკერდში შესაძლო სითხის დაგროვებით. ეს გვერდითი მოვლენა არ არის გავრცელებული.
• OHSS-ს დროს შესაძლებელია იშვიათად საკვერცხეების შემობრუნების ანდა სისხლში თრომბის წარმოქმნის მსგავსი გართულებები წარმოიშვას.
• ზოგადად ძალიან იშვიათად მწვავე OHSS-თან ერთად განვითარებული სერიოზული სისხლის შედედების (თრომბოემბოლური შემთხვევბი) გართულებები წარმოიშვას. ეს მდგომარეობა შესაძლებელია გულმკერდის ტკივილის, სუნთქვის გაძნელების, ინფარქტის ან გულის შეტევის მიზეზი გახდეს. ძალიან იშვიათად შესაძლებელია ეს მდგომარეობა OHSS-სგან დამოუკიდებლადაც წარმოიშვას (იხ. ნაწილი 2. „სისხლის შედედების პრობლემები“).
ყველა მათგანი სერიოზული გვერდითი მოვლენებია. თუ რომელიმე მათგანი თქვენთან გამოვლინდება, შესაძლებელია გადაუდებელი სამედიცინო ჩარევა და თქვენი საავადმყოფოში დაწვენა გახდეს საჭირო.
გამოვლენილი სხვა გვერითი მოვლენები გამოვლენის სიხშირის მიხედვით არის ქვევით მოცემული:
ძალიან ხშირი:
• სითხიანი ბუშტუკები საკვერცხეებზე (საკვერცხეების კისტები)
• თავის ტკივილი
• ტკივილის, სიწითლის, დალურჯების, შეშუპების და/ან გაღიზიანების მსგავსი ლოკალური რეაქციები ინექცირების ადგილას
ხშირი:
• დიარეა
• ძუძუების ტკივილი
• გულისრევა ან ღებინება
• მუცლის ან მენჯის ღრუს ტკივილი
• მუცლის შეტევითი ტკივილი ან შებერილობა
ძალიან იშვიათი:
• შესაძლებელია ასთმა გაგირთულდეთ.
გვერდითი მოვლენების აღრიცხვა
მოხმარების ინსტრუქციაში ნახსენები ან სხვა გვერდითი მოვლენის დადგომის შემთხვევაში, გაესაუბრეთ თქვენს ექიმს, ფარმაცევტს ან ექთანს. აგრეთვე, გადატანილი გვერდითი მოვლენების შესახებ შეგიძლიათ შეატყობინოთ თურქეთის ფარმაკოვიგილაციის ცენტრს (TUFAM), რისთვისაც შეგიძლიათ შეხვიდეთ ვებ-გვერდზე: www.titck.gov.tr და გადახვიდეთ „მედიკამენტის გვერდითი მოვლენების შეტყობინების“ გვერდზე, ან დარეკოთ გვერდითი მოვლენების შეტყობინების სპეციალურ ხაზზე: 0 800 314 00 08. გადატანილ გვერდით მოვლენებზე შეტყობინებით საკუთარ წვლილს შეიტანთ თქვენ მიერ მიღებული მედიკამენტის უსაფრთხოების გაზრდაში.
5. როგორ შეინახოთ PERGOVERIS?
შეინახეთ PERGOVERIS ბავშვებისთვის მიუწვდომელ ადგილას და მის შეფუთვაში.
PERGOVERIS შეინახეთ 25°C-ზე დაბალ ოთახის ტემპერატურაზე. სინათლისაგან დაცვის მიზნით შეინახეთ საკუთარ შეფუთვაში.
მედიკამენტი გახსნის შემდეგ დაუყოვნებლივ უნდა იქნეს გამოყენებული.
ვარგისიანობის ვადის შესაბამისად მიიღეთ.
ბოლო მოხმარების თვე, აღნიშნული თვის ბოლო დღეს გამოხატავს.
არ მიიღოთ PERGOVERIS ეტიკეტზე მითითებული ვარგისიანობის ვადის გასვლის შემდეგ.
არ გამოიყენოთ PERGOVERIS, თუ გაფუჭების თვალსაჩინო ნიშნებს შეამჩნევთ.
არ გამოიყენოთ ხსნარი თუ ხსნარი ნაწილაკებს შეიცავს ან არ არის გამჭვირვალე.
არ გადააგდოთ ვადაგასული ან გამოუყენებელი მედიკამენტები! ასეთი მედიკამენტები გადაეცით გარემოს დაცვისა და ურბანიზაციის სამინისტროს მიერ განსაზღვრულ შემგროვებელ სისტემას.
წარმოების ლიცენზიის მფლობელი:
სს. „მერჯიქ ილაჩ ეჯზა ვე ქიმია თიჯ.“ (Merck İlaç Ecza ve Kimya Tic.A.Ş.)
ათაშეჰირ / სტამბული
წარმოების ადგილი:
Merck Serono S.A.
Aubonne/შვეიცარია
მოხმარების ინსტრუქცია დამტკიცდა 17 / 12 / 2015 წელს
